Vətən müharibəsində xüsusi xidmətlər göstərmiş həkimlərimiz mükafatlandırılıb

26 May 2021

     Mayın 25-də “Vətən Müharibəsi Əlillərinə Kömək İctimai Birliyi”nin təşkilatçılığı və FMG şirkətinin dəstəyilə Vətən müharibəsində torpaqlarımızın azadlığı uğurunda fədakarcasına döyüşmüş Vətən müharibəsi əlilləri və iştirakçılarına tibbi xidmət göstərmiş həkimlərimizə mənəvi dəstək olmaq məqsədi ilə “Çinar Plaza” biznes mərkəzində tədbir keçirilib.

      Tədbirdə millət vəkilləri, icra hakimiyyəti rəsmiləri, TƏBİB-in nümayəndələri, “Vətən Müharibəsi Əlillərinə Kömək İctimai Birliyi”nin idarə heyəti və üzvləri, tanınmış ictimaiyyət nümayəndələri, KİV təmsilçiləri, həkimlər, şəhid ailələri və qazilər iştirak edərək çıxış ediblər.

      Çıxış edənlər 44 günlük Vətən müharibəsi iştirakçılarına tibbi xidmət göstərmiş həkimlərimizin peşəkar və vətənpərvərliklə dolu fədakar fəaliyyətindən danışıblar. Tədbirin sonunda həkimlər fəxri fərmanlarla təltif edilib.