FMG şirkətinin balansında olan binalarda dezinfeksiya işləri aparılıb

02 Aprel 2020

Daşınmaz əmlak sahəsində ölkənin aparıcı şirkətlərindən olan “Facility Management Group” şirkəti koronavirus (COVİD-19) infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirib. Belə ki, şirkətin balansında olan biznes mərkəzləri və müxtəlif kommersiya oyektlərinin, eyni zamanda yaşayış komplekslərinin ümumi ərazilərində koronavirus (COVID -19) infeksiyasına qarşı dezinfeksiya işləri aparılıb.

Dezinkefsiya işləri “BEGOC biznes mərkəzi”, “Çinar Plaza”, “Dalğa Plaza”, “Sahil Plaza”, “Bayıl Plaza” biznes mərkəzlərini, “Hillside Residence”, “Vurğun Residence”, “Gumush Residence”, “Təbriz Evləri”, “Ambassador Suites”, “Intourist Apartments” yaşayış komplekslərini, “Bakı Kitab Mərkəzi” və digər kommersiya sahələrini əhatə edib.

Xəstəliyə yoluxma hallarına yol verilməməsi və qarşısının alınması məqsədilə müvafiq profilaktik tədbirlər mütəmadi olaraq davam etdiriləcək.