Facility Management Group yeni tədris ili münasibətilə şəhid və qazi ailələrinin övladlarına məktəb ləvazimatları hədiyyə edib.

09 Sentyabr 2024

FMG şirkətinin kollektivi yeni tədris ili münasibətilə birinci sinfə gedən bir qrup Vətən müharibəsi şəhidlərinin və qazilərinin övladları və ailələri ilə görüşüb. 30-dan artıq şagirdə məktəbli çantası və məktəb ləvazimatları təqdim olunub. Bundan əlavə uşaqlar “Zefir Mall” alış-veriş və əyləncə mərkəzində xoş vaxt keçiriblər.

Ölkəmizin ərazi bütövlüyü uğrunda gedən döyüşlərdə qəhrəmancasına həlak olmuş şəhid və qazilərin övladları onlara təqdim olunan hədiyyələri, oyuncaq və məktəb ləvazimatlarını maraqla qarşılayıblar.

Qeyd edək ki, Facility Management Group şirkətinin həyata keçirdiyi korporativ sosial məsuliyyət tədbirləri içərisində şəhid ailələri və qazilərə dəstək xüsusi yer tutur.